Алан Бөрібаевтің стиліндегі симфониялық тұсаукесер

«Астана Опера» театрының бас дирижері, Қазақстанның еңбек сіңірген қайраткері Алан Бөрібаев шығармалары жиі орындалатын еуропалық композитор Густав Малердің көркем де асқақ №2 симфониясының («Жандану симфониясы») тұсаукесерін ұсынбақшы. 16 наурыз күні театрдың Үлкен залы сахнасында «Астана Опера» Симфониялық оркестрі мен хоры, сондай-ақ, әйгілі опера прималары Майра Мұхамедқызы мен Дина Хамзина өнер көрсетеді.

_DSC4252

Белгілі австриялық композитор әрі дирижер Густав Малердің музыкасы ең озық әлемдік симфониялық шығармалардың санатына жатады.

Қазақстаннан шыққан атақты маэстро, бүгінгі күнгі ең таңдаулы дирижерлардың бірі Алан Бөрібаев Г. Малердің симфонияларын ең үздік халықаралық алаңдарда бірнеше мәрте орындады. Белгілі музыкант бүгінгі таңдағы композитор шығармашылығының өзектілігі оның адамгершілікке, ізгілікке үндейтін асқақ ойлылығында дейді.

– Г. Малер шығармаларын сезініп, түсініп, жақсы көру үшін арнайы университет бітіру міндетті емес. Өзіңнің ойларың мен жан-дүниеңді тұтастай осы музыкаға бағыттап айқара ашқаның жеткілікті. Густав Малер әр адамға назар аударады. №2 симфонияда әрқайсымыздың көкейіміздегі «Бізге өмір не үшін берілді? Біз жер бетінде не істегіміз келеді?» деген сауалдарға жауап беруге тырысады, – дейді Алан Бөрібаев.

Аса көрнекті композитордың жойқын шығармасы әр адамның жанына жақын да түсінікті тақырыпты, тамаша идеяларды, көркем де мәнерлі тілді, зор ауқымдылықты сипаттайды. Елордалық көрерменге алғаш рет ұсынылғалы тұрған Густав Малердің №2 симфониясын орындауға музыканттардың рекордтық саны – «Астана Опера» Симфониялық оркестрінің екі құрамы жұмылдырылмақшы.

– Барлық жағынан жақсы болғымыз келгендіктен, бізді адам етіп, биік мақсаттарға не жетелейтінін ұғыну үшін, біз осы өшпес туындыны ойнаймыз. Кеш соңында музыканттармен қатар, тыңдарманда да жаңа ой, толғаныс пен сезім пайда болып, өзімізді бұрынғыдан да жақсы біле түсеміз деп үміттенемін және сенемін. Біз үшін бұл симфониялық оркестрімізді бірден жаңа кәсіби белеске көтеретін маңызды концерт. Өз басым отанымыздың мәдени кеңістігінде Густав Малердің музыкасы орындалатынына өте қуаныштымын, – дейді маэстро.

Операның жетекші солисттері Майра Мұхамедқызы мен Дина Хамзина және театр хоры орындайтын шығарманың вокалдық бөлігі XVII ғасырдағы немістің әйгілі ақыны Ф. Клопштоктың сөзіне жазылған, поэзиялық жолдар композитордың өзіне тиесілі.

Бас хормейстер – Қазақстанның еңбек сіңірген қайраткері Ержан Дәуітов. Концерттің жүргізушісі – «Мәдениет қайраткері» Маржан Жәкенова.

Генеральный спонсор

Спонсоры и партнеры