Рождество музыкасы

«Астана Опера» әртістері елорда тұрғындары мен қонақтарын «Шырша маңындағы Рождествоға» шақырады. Музыкалық кеш 25 желтоқсан күні театрдың Камералық залы сахнасында өтеді.

 

Мерекелік бағдарламаға С.Франктың Месса ми минор туындысынан «Panis Angelicus», К.Сен-Санстың «Tecum principium» Рождестволық ораториясы ор. 12, А.Лоттидің «Crucifixus», К. де Моралестің «O magnum mysterium», дәстүрлі француз халық колядкалары, И.Шульцтің «O Come, Little Children», Ф.Грубердің «Волшебная  ночь», П.Чайковскийдің Танец Феи Драже, А.Аданның «О Holy Night», Л.Реднердің «O Little Town of Bethlehem», ағылшын халық әуені «The First Noel», Д.Крамердің «В лесу родилась ёлочка» тақырыбына арналған фантазиясы, Дж.Пьерпонттың «Jingle Bells», Д.Фрейзердің «This Christmastide» т.б. аспаптық музыкасы енді.

Ғасырлар бойы «Ave Maria» Құдайанаға католиктік ғибадат ету тақырыбына көптеген композиторлар шығармалар жазды, бұл кеште Ф.Шуберт, И.С.Бах – Ш.Гуно,  Ж.Массненің туындылары шырқалады. Г.Ф.Гендельдің «Ринальдо» операсынан «Lascia Ch’io Pianga» Альмиренаның ариясы, Э.Элгардың «A Christmas Greeting» және өзге де вокалдық шығармалар орындалады.

Концертке  «Астана Опера» солистері – Башқұртстанның еңбек сіңірген әртісі Альфия Каримова (сопрано), Татьяна Вицинская (меццо-сопрано), сондай-ақ балаларға арналған театр студиясының хоры, жетекшісі – Алтынғаным Ахметова қатысады. Олармен бірге аспапшы музыканттар Әнел Шәкірова, Әсел Жақиянова (скрипкалар), Ботагөз Қалиева (виолончель), Балжан Сапарова (флейта), Ерболат Ташкенбаев (соқпалы аспап), Елена Сахно (фортепиано) өнер көрсетеді. Тыңдармандарды Фархад Болатов, Павел Бородулин, Алмас Сағымбаев, Қайрат Егімбаевтан құралған тромбондар квартеті, Марат Қонысбаев, Қалқаман Дүйсенбаев, Манар Исаханов, Мадияр Белековтен құралған валторна квартеті өз өнерлерімен қуантатын болады.

Алғаш рет «Астана Опера» театрының сахнасында Салтанат Әбілханованың орындауында орган музыкалық аспабы шырқалады. Музыкалық кештің авторы әрі бастамашысы  – «Астана Опера» симфониялық оркестрінің әртісі, арфада өнер көрсетуші Любовь Ткаченко.

Басталуы сағат 19:00-де.

«Астана Опера» театрының баспасөз қызметі

тел. (7172 -70 95 94; 70 96 19) e-mail: astanaopera@gmail.com

Генеральный спонсор

Спонсоры и партнеры